Tilgangspakkar

Ein tilgangspakke består av fullmakter til skjema og tenester innanfor eitt område, til dømes «Helsetenester» og «Renovasjon». Når du får fullmakt til ein tilgangspakke, kan kan du gjere oppgåver på vegner av ei verksemd eller person. Det kan til dømes vere å lese eller slette ei melding, og fylle ut, sende og signere eit skjema.

Gå til steg for steg-guide.

I nye Altinn blir ikkje roller brukt slik du kjenner dei frå gamle Altinn.

Rollene er erstatta av tilgangspakkar. Dei består av fullmakter til skjema og tenester innanfor eitt område, til dømes «Helsetenester» og «Renovasjon».

Det betyr at du må få fullmakt til ein eller fleire tilgangspakkar for å kunne bruke og få tilgang til tenester i nye Altinn.

Korleis får eg fullmakt

Tilgangsstyrar eller hovudadministrator i verksemda gir fullmakt til tilgangspakkar.

Om du ikkje har tilgang til nødvendige tenester eller tilgangspakkar, kan du sjølv be om fullmakt i Altinn. Tilgangsstyrar eller hovudadministrator i verksemda får førespurnaden din, og kan godkjenne han.

Kor lenge har eg tilgang via Altinn-roller?

Dei gamle Altinn-rollene er gyldige ut 2026, men det er ikkje mogleg å gi eller få nye roller.

Fullmakter som før låg i ei rolle er no spreidde på fleire tilgangspakkar. Ein tilgangspakke gir meir presise fullmakter enn roller gjorde.

Bruk fullmaktsoversikta under Tilgangsstyring til å søkje etter tilgangspakkar. Tenk over kva tenester ulike personar og verksemder treng fullmakt til, og finn ut kva for nokre av dei nye tilgangspakkane desse tenestene ligg i.

Kven kan administrere fullmakter?

Har du ei nøkkelrolle registrert i Einingsregisteret – til dømes dagleg leiar eller styreleiar – kan du administrere fullmakter i Altinn.

Nedanfor finn du tilgangspakkane som gir deg rett til å styre kven som skal ha fullmakter i verksemda. Merk at desse pakkane berre gir tilgang til administrasjon – ikkje til sjølve tenestene eller fagsystema.

1. Hovudadministrator

Gir tilgang til å administrere alle fullmakter for verksemda. Du kan tildele alle tilgangspakkar unntatt Hovudadministrator til deg sjølv og andre.

Roller frå Einingsregisteret som automatisk har denne pakken:

• Dagleg leiar

• Styrets leiar

• Innehavar

• Deltakar fullt ansvar

• Deltakar delt ansvar

• Komplementar

• Reiar med styringsrett

2. Klientadministrator

Blir brukt for å gi fullmakter på vegner av klientar. Merk: Altinn slettar fullmaktene automatisk om klientforholdet tek slutt.

Roller frå Einingsregisteret som automatisk har denne pakken:

• Dagleg leiar

• Styrets leiar

• Innehavar

• Deltakar fullt ansvar

• Deltakar delt ansvar

• Komplementar

• Reiar med styringsrett

• Bustyrar

3. Tilgangsstyring

Gir tilgang til å gi vidare fullmakter for verksemda, men berre for tenester du sjølv har fullmakt til.

Roller frå Einingsregisteret som automatisk har denne pakken:

• Dagleg leiar

• Styrets leiar

• Innehavar

• Deltakar fullt ansvar

• Deltakar delt ansvar

• Komplementar

• Reiar med styringsrett

• Bustyrar

• Kontaktperson NUF

4. Tilgangsstyrar for enkeltmeldingar, -skjema og -dialogar

Gir tilgang til å dele fullmakt til enkelståande meldingar, skjema og dialogar i innboksen – berre for det du sjølv har fullmakt til.

Roller frå Einingsregisteret som automatisk har denne pakken:

• Dagleg leiar

• Styrets leiar

• Innehavar

• Deltakar fullt ansvar

• Deltakar delt ansvar

• Komplementar

• Reiar med styringsrett

• Bustyrar

• Kontaktperson NUF

5. Maskinporten-administrator

Gir tilgang til å administrere fullmakter til Maskinporten-omfang. Blir vanlegvis brukt av IT-avdelingar eller systemleverandørar.

Roller frå Einingsregisteret som automatisk har denne pakken:

• Dagleg leiar

• Styrets leiar

• Innehavar

• Deltakar fullt ansvar

• Deltakar delt ansvar

• Komplementar

• Reiar med styringsrett

• Bustyrar

• Kontaktperson NUF

Du treng ikkje gjere alt sjølv

Dagleg leiar og styreleiar kan gi tilgangspakkane vidare til til dømes ein IT-ansvarleg, rekneskapsførar eller administrativ støtte. Den som mottek fullmakta, kan då utføre dei same administrative oppgåvene på vegner av verksemda.