Ulike val på meldingar og skjema i innboksen
Fleire val for ei melding eller eit skjema
Meldingar og skjema i innboksen har ulike val.
Før du går inn på meldinga/skjemaet, kan du klikke på dei tre prikkane øvst til høgre og sjå dei ulike vala.
Du får andre val når du klikkar deg inn på meldinga eller skjemadialogen.
Dele og gi fullmakt i innboksen
I innboksen i Altinn kan du gi ein annan person fullmakt til éi bestemt melding eller eitt skjema. Det kan du gjere om du til dømes treng hjelp frå ein kollega eller rekneskapsførar til éi konkret sak. Då får personen fullmakt til det du deler, og kan følgje opp på vegner av deg eller verksemda.
For å kunne dele og gi fullmakter frå innboksen til ei verksemd, må du ha tilgangspakken Tilgangsstyrar for enkeltmeldingar, -skjema og -dialogar.
Slik deler du og gir fullmakt frå innboksen:
Logg inn i innboksen i Altinn.
Opne meldinga eller skjemaet du vil dele.
Vel Del og gi fullmakt under den opne meldinga.
Finn den du vil gi fullmakt til i lista og klikk på Gi fullmakt.
Om du ikkje finn den du vil gi fullmakt til, vel du Ny brukar og legg inn den som skal ha fullmakta.
Vel fleire element i innboksen
Du kan bruke Vel fleire til å flytte fleire meldingar eller skjema til arkivet eller papirkurven. Du kan også merkje dei som ulese.
Slik gjer du det
Vel rett aktør.
Gå til Meny og vel Innboks.
Klikk på dei tre prikkane du ser øvst til høgre i meldinga/skjemaet, og vel Vel fleire.
Klikk i avmerkingsboksane til høgre for å velje meldingane/skjemaa du vil gjere noko med.
Vel handlinga du vil utføre: merkje som ulese, flytte til arkivet eller leggje i papirkurven.
Du kan angre det du har flytta til arkivet eller papirkurven, ved å gjere det same i mappa arkiv/papirkurv.