Kraftgaranti
Kraftgarantien dekkjer betaling i samband med større kontraktar for kjøp eller sal av kraft i Noreg.
Industribedrifter med stort behov for elektrisk kraft kan ha behov for å inngå langsiktige kraftkontraktar med ein føreseieleg pris.
Kraftordninga vart oppretta for å gjere det lettare for industribedrifter å oppnå slike kontraktar. Eksportfinansiering Noreg kan bidra med to ulike garantiar når ein skal inngå kontraktar om levering av kraft til kraftkrevjande industribedrifter:
- Garantere for inntektene til kraftseljaren, og dermed sikre at seljaren får betalt for krafta som vert levert sjølv om industribedrifta ikkje klarer å betale.
- Garantere for låna til industribedrifta som vert tekne opp for å betale forskot til kraftseljaren.
Verksemda må ha eit årleg kraftforbruk på minst 10 GWh, og kraftavtalen må ha eit volum på minst 35 GWh i løpet av avtaleperioden.
Eksportfinansiering Noreg kan både garantere for fysiske og finansielle kraftavtalar med minimum 7 og inntil 25 års varigheit.
Kven kan søkje?
Kraftseljaren, kraftkjøpar eller långjevaren kan søkje om garanti.
Eksportfinansiering Noreg fremjer norsk eksport ved å stille garantiar for lån og betalingar på vegner av den norske staten.
