Komponistane sitt vederlagsfond
Yrkesaktive komponistar og organisasjonar innan ny musikk kan søka om komponiststipend og organisasjonstønad.
Formålet til fondet er å støtte skapande tonekunst, uansett sjanger. Stønaden skal komme dei komponistane til gode som gjennom nokre års verksemd har ytt ein kvalitetsmessig verdfull innsats.
Kva kan du søke stønad til?
- Komponistar kan søke om stønad til arbeidsstipend, reisestipend, utstyrsstipend og fordjupningsstipend.
- Organisasjonar og foreiningar som arbeider for å skape og formidle nyskriven musikk kan søka om organisasjonstønad.
Kven kan søke?
- Yrkesaktive komponistar. Komponisten må sjølv stå som søkar. Komponistar som ikkje er knytt til fagorganisasjon, er like søknadskvalifiserte som medlemmer.
- Organisasjonar og foreiningar som søker skal ha hovudformål å fremme skaping av ny norsk musikk, uansett sjanger. Organisasjonar som primært driv med konsertverksemd eller ensemble kan ikkje søke.
Prosjekt og institusjonar som har vesentlege inntekter frå anna hald - både offentlege og private - har ikkje rett til stønad.
Søknadsfristar: 2. februar og 2. september kl. 13.00.
Vederlagsfondet til komponistane blir administrert av Musikkfondene.
