Workshop i internasjonal marknadsutvikling
Er bedrifta di klar til å satsa i nye marknader internasjonalt? Få hjelp til å finna ut om det vil lønna seg å satsa og kva som skal til for å lykkast. I workshopen hjelper Innovasjon Noreg deg å konkretisera den internasjonale forretningsmodellen til bedrifta og plan for marknadsintroduksjon.
Bedrifter som søkjer internasjonal vekst og marknadsinngang dei neste seks til tolv månadene. Workshopen består av fire digitale samlingar á 3-4 timar med oppstart kvar månad. Workshopen er gratis og blir fasilitert av Innovasjon Noregs rådgivarar innan internasjonalisering.
Du lærer å:
- kartleggja faktorar som kan påverka forretningsmodellen din i ny marknad
- forstå trendar, reguleringar, handelsreglar, forretningskultur og risikohandtering, og
- testa kva marknader som kan vera aktuelle for løysinga di.
- forstå behova og føresetnadene til dei nye og potensielle kundane dine, og kva konkurrentar du må ta omsyn til.
- utvikle forretningsmodellen din, også i nye marknader
- få ei forståing av dei kritiske suksessfaktorane dine for å lykkast internasjonalt
- leggja ein plan for vegen vidare mot marknadsintroduksjon
Innovasjon Noreg om workshop i internasjonal marknadsutvikling
