EU-finansiering og rådgiving
Treng du kompetanse eller finansiering til å pilotere, kommersialisere og skalere ei nyskapande løysing med eit globalt marknadspotensial? EUs program for forsking, innovasjon, og digitalisering tilbyr ei rekkje finansieringsmoglegheiter for næringslivet. Innovasjon Noreg hjelper bedrifter og klyngjer med å lykkast med ein EU-søknad.
Kva kan du søkje om?
Det er fleire ulike EU-program som norske bedrifter kan søkja om finansiering frå:
- Horisont Europa er det største finansieringsprogrammet i verda for forsking og innovasjon. Det består av tre hovudområde: framifrå vitskap, globale utfordringar og konkurransedyktig næringsliv og innovativt Europa.
- Digital Europe Programme er for digital transformasjon i næringslivet og offentleg sektor.
- COSME skal styrkja små og mellomstore bedrifters konkurransekraft gjennom betre rammevilkår, entreprenørskap og enklare tilgang på kapital.
- InvestEU blir omtalt som flaggskipet til EUs finansielle verkemiddel innan lån, garantiar og eigenkapitalinstrument. Målet er å byggja ein grønare, meir digital og robust europeisk økonomi.
- European Defence Fund (EDF): Forsvarsfondet støttar samarbeid mellom næringsliv og forskingsmiljø innan forsvarssektoren. Små- og mellomstore bedrifter kan også delta.
- EUs Innovasjonsfond gir finansieringshøve til fullskala demonstrasjonsprosjekt og vidare oppskalering for innovativ lågutsleppsteknologi.
Kven kan søkje?
EU-programma er ope for alle typar søkjarar, og Innovasjon Noreg tilbyr djupnerådgiving, marknadsorientering og kundeorientering til bedrifter og klyngjar for å hjelpa dei til å lykkast med søknaden sin. Dei organiserer mellom anna kurs, workshops for mindre grupper, gjennomlesing av søknader, pitchetrening og oppfølging av bedrifter som får EU-finansiering.
Vil du vite meir om kva moglegheiter som kan passe for deg? Ta kontakt med Innovasjon Noreg.
