Løyve til å fotografere, ta opp film eller lydbandopptak under hovudforhandling i straffesak
Søknad om løyve til fotografering, filmopptak eller opptak for radio eller fjernsyn under hovudforhandlingar i straffesaker skal så sant det er mogleg sendast retten før hovudforhandlinga byrjar. Søknaden skal angje formålet med fotograferinga eller opptaket og korleis fotograferinga eller opptaket er tenkt gjennomført under hovudforhandlinga. Søknaden bør leverast i god tid, slik at retten og partane har tid til å vurdere den før saka startar. Søknaden blir sendt til domstolleiar ved rettsstaden der rettssaka skal gjennomførast.
Når skal skjemaet brukast?
Skjemaet skal brukast når du ønsker løyve til å fotografere, filme eller gjere lydopptak under hovudforhandling i ei straffesak.
Kva skal eg leggje ved?
Ingen krav til vedlegg.
Kvifor skal skjemaet brukast?
Lov om domstolene § 131a første ledd første punkt og § 131a annet ledd.
Meir om skjemaet
Prosedyren er regulert i forskrift om fotografering, filmopptak og opptak for radio eller fjernsyn under hovudforhandling i straffesak. Søknad om løyve til fotografering, filmopptak eller opptak for radio eller fjernsyn under hovudforhandling i straffesak skal så vidt mogleg sendast retten før hovudforhandlinga begynner. Søknaden skal angje formålet med fotograferinga eller opptaket og korleis fotograferinga eller opptaket er tenkt gjennomført under hovudforhandlinga. Søknaden blir sendt til domstolleiar i domstolen som har straffesaka til behandling.
Før det treffast avgjerd om fotografering eller opptak under hovudforhandlinga, skal partane i saka blir gitt høve til å uttale seg. Dersom ein ønsker fotografering eller opptak også av andre som deltar i saka, skal også disse bli gitt høve til å uttale seg før retten eventuelt gjev løyve til slik fotografering eller opptak.
Retten kan sette vilkår korleis fotograferinga eller opptaka skal foregå, og sørgar for at det skjer på ein forsvarleg måte innanfor rammane som er gitt.
Kriterium/vilkår:
Det er i utgangspunktet forboden å fotografere, ta opp film eller lydbandopptak under hovudforhandling i straffesak.
Dersom særlege grunnar taler for det, kan retten gjere unntak frå forbodet når det ikkje kan reknes å ha uheldig verknad for behandlinga av saka og heller ikkje andre omsyn talar avgjørande imot.
Merknader:
Ein søknad bør setjast fram så snart som mogleg, og i god tid før hovudforhandlinga begynner.
Det kan søkast om løyve til å filme heile eller delar av rettsmøtet, som for eksempel forsvarar og aktor sine innleiingsforedrag og prosedyrar, domsavseiinga og andre delar av rettsmøtet.
Søknaden må innehalde opplysningar om:
- namn på søkar og redaksjon (kontaktinformasjon)
- kva sak det blir søkt om
- kva delar av rettsmøtet det blir søkt for
- føremålet med fotograferinga
- korleis opptaket er tenkt gjennomført
- anna teknisk og praktisk informasjon
Løyvet gjeld fotografering, filmopptak og opptak for radio eller fjernsyn i saka det er søkt om.
Det må sendast ein formell søknad.
Gebyr:
Søknadsbehandlinga er ikkje gebyrbelagt.
Saksbehandlingstid:
Avhengig av omfanget av søknaden, kor mange partar og eventuelt andre som skal få høve til å uttale seg.
Klagerett:
Den som blir ramma av, og er usamd i, avgjerda til retten, kan anka til ein høgare rettsinstans. Det gjeld enkelte avgrensingar i anketilgangen. Ankefristen er to veker og anke må erklærast overfor den retten som trefte avgjerda.
Det må betalast eit gebyr for anke over eit avslag på søknad om løyve etter reglane i lov om rettsgebyr.