Tilskot til marknad og festivalar
Tilskot til marknad og festivalar frå Kreativ Europa MEDIA omfattar tre ordningar: Festivalar, marknad og nettverksbygging og nettverk av europeiske festivalar.
Festivalar
Festivalar med ein høg del europeiske audiovisuelle verk på programmet, kan søke tilskot til gjennomføring. Arrangørar av festivalar for audiovisuelle verk i land som er etablerte i eit land som er medlem av MEDIA-programmet og som held festivalen i eit MEDIA-land, kan søke. Arrangøren må ha arrangert minimum 3 utgåver av festivalen tidlegare.
Marknad og nettverksbygging
Støtte til fysiske/digitale/hybride marknader og forum, og dessutan nettverksbyggande aktivitetar som fremmar samproduksjon, finansiering, sal og distribusjon av europeiske verk på tvers av landegrensene. Ordninga er open for einingar (private selskap, non-profit organisasjonar, foreiningar, stiftelsar etc.) som er etablerte i, og eigde av innbyggarar frå land som deltar i MEDIA-programmet.
Nettverk av europeiske festivalar
Fleire festivalar som viser europeisk film/audiovisuelle verk kan gå saman og søke om tilskot til koordinerte/felles aktivitetar, som felles arrangement, samarbeidsprosjekt, kompetanse/erfaringsutveksling og tilskot til festivalar. Eit festivalnettverk må bestå av ein koordinator pluss minst 3 medlemsorganisasjonar. 50% av programmeringa til festivalane i nettverket må vere ikkje-nasjonale europeiske filmar, frå minst 15 ulike land som deltek i MEDIA-programmet, inkludert lågkapasitetsland. Maks 20% av festivalane i nettverket kan komma frå same land.
