Tilskot til marknad og festivalar
Tilskot til marknad og festivalar frå Kreativ Europa MEDIA omfattar tre ordningar: Festivalar, marknad og nettverksbygging og nettverk av europeiske festivalar.
Festivalar
Festivalar med ein høg del europeiske audiovisuelle verk på programmet, kan søke tilskot til gjennomføring. Europeiske einingar (så som private selskap, non-profit organisasjonar, stiftingar, forbund, foreiningar, institusjonar og liknande) som arrangerer festivalar for audiovisuelle verk i Europa kan søke. Arrangøren må ha arrangert minimum 3 utgåver av festivalen tidlegare.
Marknad og nettverksbygging
Støtte til fysiske/digitale/hybride marknader og forum, og dessutan nettverksbyggande aktivitetar som fremmar samproduksjon, finansiering, sal og distribusjon av europeiske verk på tvers av landegrensene.
Nettverk av europeiske festivalar
Fleire festivalar som viser europeisk film/audiovisuelle verk kan gå saman og søke om tilskot til koordinerte/felles aktivitetar, som felles arrangement, samarbeidsprosjekt, kompetanse/erfaringsutveksling og tilskot til festivalar. Eit festivalnettverk må bestå av ein koordinator pluss minst 3 medlemsorganisasjonar. 50% av programmeringa til festivalane i nettverket må vere ikkje-nasjonale europeiske filmar, frå minst 15 ulike land som deltek i MEDIA-programmet, inkludert lågkapasitetsland. Maks 20% av festivalane i nettverket kan komma frå same land.
