Oppstartlån
Lånet rettar seg mot oppstartsbedrifter med vekstpotensial og kan finansiere organisasjonsutvikling og marknadsarbeid.
Lånet kan innvilgast to gonger, til saman maksimalt 2 millionar kroner.
Kven kan få oppstartlån?
Bedrifter som:
- er etablerte som aksjeselskap (AS) eller norskregistrerte utanlandske føretak (NUF) for mindre enn fem år sidan (ENK, ANS, DA mv. blir ikkje godkjente)
- er ei reell nyetablering
Du har dessutan: - stort vekstpotensial og realistiske ambisjonar om å satse internasjonalt
- eit innovativt forretningskonsept (produkt/teneste/løysing)
- eit solid team som har vist gjennomføringsevner så langt i bedriftsutviklinga
- eit styre med minimum ein ekstern styremedlem som har relevant bakgrunn, som kan bidra til strategi og aktiv støtte på vesentlege områder (marknadsinnsikt, nettverk, kommersiell erfaring osv.)
- ein truverdig strategi, forretningsmodell og budsjett for verksemda
- tilgjengeleg kapital for å gjennomføre denne fasen og eigenfinansieringa skal som minimum tilsvare oppstartslånet
Kva kan oppstartslånet bli brukt til?
Lånet skal bli brukt til å forberede og gjennomføre den kommersielle lanseringa av løysinga. Det blir ikkje stilt krav til kva aktivitetar som skal gjennomførast, men du må ha truverdige planar for å realisere vekst og verdiskapingspotensial.Du må sannsynleggjere beteningsevner for renter etter to år og evne til å betene både avdrag og renter, og dermed nedbetale eit serielån, etter tre år.