Kulturrom

Tilskotet skal auke moglegheita for å kunne delta i kulturelle møteplassar, skape gode nærmiljø og legge grunnlaget for profesjonalisering og næringsutvikling.

Kulturrom bygger kompetanse og tildeler midlar til langsiktige investeringar i lokale og utstyr, og legg til rette for at kultur blir ei drivkraft for grøn omstilling, fellesskap og stadutvikling.

Kulturrom har tre tilskotsområde:

• lokale
• teknisk utstyr
• grønare investeringar i lokale og utstyr

Lokale

Betre lokale og lydforhold

Det kan bli søkt om tilskot til nødvendige investeringar for å få etablert ei scene eller eit øvingsrom i eit eksisterande bygg. Det kan søkast om tilskot for å forbetre akustikk i eksisterande kulturlokale, til å etablere nye scener, øvingslokale, prøvelokale eller til å bygge dansegolv, sceneteppe eller andre nødvendige tiltak.

Akustisk forprosjekt

Kulturrom kan i forkant av søknad gi tilskot til  å kartlegge akustikken i eit lokale, måle lydgjennomgang mellom ulike lokale og foreslå tiltak for å gjere lokala meir eigna til musikk, teater og dans.

Teknisk utstyr

Framføringsutstyr

Det kan søkast tilskot til teknisk utstyr til framføring av musikk, dans og teater, som kjem mange til gode. Det kan for eksempel vere lyd- og lysutstyr og anna sceneteknisk utstyr.

Øvingsutstyr

Det kan søkast tilskot til lydutstyr eller instrument som blir brukt av eit større fellesskap. Det kan vere songanlegg, trommesett, forsterkarar, dansematte eller anna nødvendig utstyr som har fast plassering i eit øvingslokale.

Tilskot til grønare investeringar

For å redusere klimaavtrykket til kulturlivet sin fysiske infrastruktur har Kulturrom eit eige tilskotsområde for grønare investeringar. Det blir gitt tilskot til moglegheitsstudiar for å få meir kulturaktivitet i eksisterande bygg, innleige av teknisk utstyr, grøn kompetanse og reperasjon av utstyr med meir.

Kulturrom sine tilskotsområde