Music Norway sitt reisetilskot

Ordninga er finansiert av Music Norway og Utanriksdepartementet. Formålet med ordninga er å auke etterspurnad, interesse og merksemd for norske utøvarar, komponistar, låtskrivarar og musikkselskap internasjonalt. 

🔗Kva kan du søke stønad til?

Det kan søkjast om reise-, visum- og overnattingsutgifter innanfor følgjande kategoriar innan alle sjangrar:

Konsert/turné

Til offentlege konsertar i utlandet inkludert sceniske verk, showcasar og promo-framføringar (radio, tv og liknande).  Konsertane må finne stad i regi av ein stadleg arrangør, agent eller festival i utlandet.

Låtskriving/komponering

Til låtskrivarsamarbeid, komponistsamarbeid, sceniske verk, librettoskriving og liknande med utanlandske partnarar utanfor Noreg.

Arbeidsopphald

Til lengre arbeidsopphald eller residens i eit land eller ein  marknad for å etablere kontaktar og inngå internasjonale samarbeid. Du vil også få tilbod og rådgiving og førebuingar før utreise om ønskeleg.

🔗Kven kan søke?

Utøvarar, artistar, opphavspersonar, komponistar, låtskrivarar og tekstforfattarar som er norske statsborgarar eller busette i Noreg, samt norske musikkselskap som representerer eller formidlar desse eller verka deira. Verksemda/utøvaren må ha norsk organisasjonsnummer.