Lærlingeordninga
Bedrifter som ønskjer å ta inn lærlingar, praksisbrevkandidatar, lærekandidatar eller kandidatar for fagbrev på jobb, må søkje om godkjenning som lærebedrift hos fylkeskommunen og få godkjent den enkelte kontrakten før tilskot kan gjevast.
Fylkeskommunane har finansieringsansvaret for alle lærekontraktar, opplæringskontraktar og kontraktar om fagbrev på jobb. Midla inngår i rammetilskotet frå staten.
I ein lærekontrakt eller opplæringskontrakt forpliktar bedrifta seg til å gje lærlingen, praksisbrevkandidaten, lærekandidaten eller kandidaten for fagbrev på jobb nødvendig opplæring fram til fag-, sveine-, praksisbrev- eller kompetanseprøve.
Basistilskot 1:
Basistilskot 1 blir gitt til verksemder som har lærlingar og lærekandidatar med rett til vidaregåande opplæring (ungdomsrett).
Basistilskot 2:
Basistilskot 2 blir gitt til verksemder som har lærlingar og lærekandidatar utan ungdomsrett, eller kandidatar for fagbrev på jobb. Satsane blir fastsette av den enkelte fylkeskommunen.
Ekstra tilskot:
For lærlingar, praksisbrevkandidatar og lærekandidatar i verneverdige tradisjonshandverksfag kan fylkeskommunen gi eit ekstra tilskot per kontrakt per år i læretida.
Sjå nettsidene til fylkeskommunen din for gjeldande satsar og søknadsfristar.
Opplæringslova om godkjenning av lærebedrift
