Kjøparfinansiering
Eksportfinansiering Noreg (Eksfin) tilbyr langsiktige lån på konkurransedyktige vilkår for finansiering av eksport. Ordninga gjer det mogleg for utanlandske kjøparar å finansiere kjøp av norske kapitalvarer og tenester, og for norske kjøparar å finansiere skip bygde i Noreg eller med norsk utstyr.
Lånet har ei løpetid på minst to år og blir gitt i samarbeid med ein kommersiell bank eller tilsvarande finansinstitusjon. Eksportfinansiering Noreg kan anten tilby lån der dei tek kredittrisikoen på kjøpar, stille garanti for lån frå ein annan långivar eller tilby lån der ein norsk eller utanlandsk bank, eller tilsvarande institusjon garanterer for lånet.
Eksportfinansiering Noreg kan delta i ulike finansieringsstrukturar:
- tilby lån der Eksfin tek kredittrisikoen på kjøparen
- stille garanti for lån frå ein annan långivar
- tilby lån der ein norsk eller utanlandsk bank garanterer for lånet
Kven kan søke?
- internasjonale kjøparar av norske kapitalvarer og tenester
- norske kjøparar av skip bygd ved norske verft eller i utlandet med norsk skipsutstyr
- kjøpar sin bank
Eksportfinansiering Norge fremjar norsk eksport ved å stilla garantiar for lån og betalingar på vegner av den norske staten.
