Skipsfinansiering
Eksportfinansiering Noreg (Eksfin) tilbyr finansiering av skip bygde ved norske verft til bruk i Noreg. Ordninga skal bidra til grøn omstilling i maritim næring og dekker typar fartøy som ferjer, hurtigbåtar, fiskefartøy og brønnbåtar.
Finansieringa kan bli gitt som lån direkte frå Eksfin, eller som garanti for banken sitt lån til kjøpar. Ordninga blir tilbydd i samarbeid med norske bankar og kan omfatte både nye bygg og større ombyggingar.
Kven kan søke?
Kjøparen, banken for kjøparen eller verftet kan søke.
Eksportfinansiering Noreg fremjer norsk eksport ved å stille garantiar for lån og betalingar på vegner av den norske stat.
