Nordisk finansiering til investeringar med miljø- og kilmaeffekt på globale marknader
Målet med NEFCO Global er å støtte grøn næringsutvikling gjennom internasjonalisering av nordiske miljøteknologiar og klimaprodukt på globale marknader utanfor Norden.
Kva kan du søkje støtte til:
Finansiering av grøne investeringar i utstyr, anlegg, maskiner og teknologi eller andre investeringar som trengst for forretningsutvikling i land der dei nordiske selskapa har identifisert marknads- og vekstmoglegheiter.
Finansiering under NEFCO Global er normalt på inntil EUR 2.5 millionar. Denne finansieringa blir hovudsakleg gitt i form av lån på marknadsvilkår. Investeringar i form av eigenkapital blir òg vurderte.
Kven kan søkje:
Små og mellomstore nordiske bedrifter som tilbyr berekraftige produkt eller tenester og planlegg ei internasjonal investering. I nokre tilfelle kan også større nordiske bedrifter søkje.
Bedrifter som vert finansierte bør normalt oppfylle følgjande finansielle kriterium:
- Eigenkapital tilsvarande minst 1 million euro
- Eigenkapitaldel over 25%
- Positiv EBITDA i den siste rekneskapen
- Minst tre års operativ verksemd bak seg
Investeringa bør ha positive konsekvensar for miljø og klima.
