Innovasjons- og utviklingstilskot
Nyheits- og aktualitetsmedium kan søke stønad til prosjekt som fremmar redaksjonelt, innhaldsretta innovasjon og utvikling.
Målet med innovasjonsstønaden er å styrke det norske mediemangfaldet gjennom å stimulere til redaksjonell, innhaldsretta innovasjon og utvikling i nyheits- og aktualitetsmedium. Stønadsordninga skal særleg fremme utvikling i små, lokale nyheits- og aktualitetsmedium.
Det er nyheits- og aktualitetsmedium som er omfatta av verkeområdet til medieansvarslova og som har ein ansvarleg redaktør som følger presseetiske standardar, som kan søke om tilskot. Ordninga gjeld ikkje medium som i hovudsak publiserer underhaldnings-, livsstils- eller forbrukarstoff retta mot privatpersonar.
Søknadane blir vurderte av fagutvalet for innovasjons- og utviklingstilskot, som gir innstilling til Medietilsynet. Medietilsynet avgjer søknadane.
