Registrering av verksemd for produksjon, innførsel og engrossal av alkoholhaldig drikk

Verksemder som skal søkja om registrering for produksjon, import eller engrossal av alkoholhaldige drikkevarer.

Dokumentasjon på mellom anna uklanderleg vandel i tillegg til forretningsmessige forhold, som blant anna godkjent lokale osv., jf. særavgiftsforskrifta kap. 5 og skatteforvaltningslova § 10-5. Meir informasjon finn du her: 

På Skatteetaten sine nettsider finn du ein stegvis rettleiar som gir informasjon om kva ein søknad om registrering skal innehalde. Søknaden må blant anna innehalde følgande opplysningar:

• produksjons- og lagerlokala (teikningar) og lokala si plassering
• kva slags varer som skal produserast, importerast eller lagrast
• kva slags emballasje som blir brukt og om den inngår i returordning
• når produksjon, import eller lagring skal begynne
• berekning av forventa særavgift
• budsjettert og nåverande omsetning
• organisasjonsnummer
• gate- og postadresse
• eventuell løyve, konsesjon eller fråsegn om vandel

Verksemder som produserer alkoholhaldig drikk, må enten legge fram tilverkingsløyve gitt av Helsedirektoratet eller kommunal skjenke- eller salsløyve med løyve til tilverking, før verksemda kan registrerast hos Skatteetaten.

Ein person som eig ein vesentleg del av ei verksemd, eller eit selskap, som driv verksemd som produserer eller importerer alkoholhaldig drikk, må ha vist uklanderleg vandel i forhold til lovgivinga som har betyding for korleis verksemda skal drivast.

Klagerett:

Du har moglegheit til å klage på vedtak om registrering etter reglane i skatteforvaltningslova kapittel 13.