Utlodding konkursbu
Skjemaet blir brukt av bustyrar for å gjere utlodding tilgjengeleg for kreditor og andre i tenesta Konkursbehandling.
Når skal skjemaet brukast?
Skjemaet skal sendast inn når det er gjort utlodding i konkursbuet, i samsvar med konkursregisterforskrifta § 3 1. ledd nummer 9. Utloddinga blir i tillegg gjort tilgjengeleg for kreditorane i samsvar med konkurslova § 128.
Kven skal bruke skjemaet?
For å fylle ut og sende inn dette skjemaet må du ha skrivetilgang i konkursbuet. Fullmakta blir automatisk tildelt den som er registrert som bustyrar i konkursbuet. Bustyrar kan delegere skrivetilgang til andre tilsette ved advokatkontoret, for eksempel andre advokatar, advokatfullmektigar og sekretærar.
Kva skal eg leggje ved?
Ved innsending av sluttutlodning eller etterutlodning, må oversendingsskrivet til kreditorane og uttellingslista alltid leggjast ved som vedlegg.
Meir om skjemaet
Skjemaet skal brukast til å rapportere utlodding til Konkursregisteret. Når skjemaet blir sendt inn i Altinn, blir opplysningane registrerte i Konkursregisteret. Utloddingsdokumenta blir i tillegg lagt ut i tenesta Konkursbehandling.