Rettsbok konkursbu

Skjemaet blir sendt inn dersom du har ei rettsbok frå bubehandlinga som du vil gjere tilgjengeleg for kreditorar og andre med tilgang til tenesta Konkursbehandling.

For å fylle ut og sende inn dette skjemaet må du ha skrivetilgang i konkursbuet. Rolla vert automatisk tildelt til den som er registrert som bustyrar i konkursbuet. Bustyrar kan delegere skrivetilgang til andre ansatte ved advokatkontoret, til dømes andre advokatar, advokatfullmektig og sekretær.

Det må leggjast ved ei rettsbok frå tingretten.

Føremålet med skjemaet er å gjere rettsbøker frå tingretten tilgjengeleg for kreditorar og andre via tenesta Konkursbehandling. Når skjemaet med vedlegg blir sendt inn via Altinn, blir den vedlagde rettsboka lagt ut i tenesta Konkursbehandling. Konkursregisteret mottek ikkje skjemaet eller vedlagte dokument.