Melding til Konkursregisteret

For å fylle ut og sende inn dette skjemaet må du ha skrivetilgang i konkursbuet. Fullmakta blir automatisk tildelt den som er registrert som bustyrar i konkursbuet. Bustyrar kan delegere skrivetilgang til andre tilsette ved advokatkontoret, for eksempel andre advokatar, advokatfullmektigar og sekretærar.

Det er ikkje mogleg å laste opp dokument til skjemaet.

Føremålet med skjemaet er at du på ein enkel måte kan kontakte Konkursregisteret for bestilling av opplysningar eller dokument, gi opplysningar eller ta opp problemstillingar som gjeld konkursbuet.

Opplysningar som kan sendast inn til Konkursregisteret er for eksempel endringar i debitor sine roller.

Dokument som kan bestillast frå Konkursregisteret er for eksempel firmaattest og pantattest eller innrapporteringar i andre konkursbu som er relevante for bubehandlinga.