Melding til Konkursregisteret

Skjemaet blir sendt inn dersom du har opplysningar til Konkursregisteret eller ønskjer å få informasjon frå Konkursregisteret i samband med bubehandlinga.

For å fylle ut og sende inn dette skjemaet må du ha skrivetilgang i konkursbuet. Rolla vert automatisk tildelt til den som er registrert som bustyrar i konkursbuet. Bustyrar kan delegere skrivetilgang til andre ansatte ved advokatkontoret, til dømes andre advokatar, advokatfullmektig og sekretær.

Det er ikkje mogeleg å leggje vedlegg til skjemaet.

Føremålet med skjemaet er at du på ein enkel måte kan kontakte Konkursregisteret for bestilling av opplysningar eller dokument, gi opplysningar eller ta opp problemstillingar i samband med konkursbuet.

Opplysningar som kan sendast inn til Konkursregisteret er til dømes endringar i debitor sine roller. Dokument som kan bestillast frå Konkursregisteret er til dømes original firmaattest og pantattest eller innrapporteringar i andre konkursbu som er relevante for bubehandlinga.