Verkemidlar og tilskot frå Nordland fylkeskommune
Det kan bli gitt tilskot innanfor temaa næring og regional utvikling, kultur, kulturminne, utdanning, folkehelse, ungdomssatsing og miljø.
Fylkeskommunen tilbyr ulike verkemiddel for næringsutvikling i Nordland. Fylkeskommunen sin stønad til private bedrifter blir i hovudsak forvalta gjennom fylket sine tildelingar til Innovasjon Norge.
Nokre av ordningane du kan søke tilskot frå:
Forsking, utvikling og innovasjon
Nordland fylkeskommune har ulike verkemiddel for mobilisering av auka forsking og innovasjon. Gjennom ordningar som Regionalt forskingsfond Nordland (RFF), FORREGION og Forskingsmobilisering Nordland, kan bedrifter få finansiering, rådgiving og hjelp til å kome i gang med forskingsbasert innovasjon. Målet er å styrke verdiskaping, samarbeid og berekraftig utvikling i fylket.
Tilskot til utkantbutikkar i Nordland
Ordninga skal bidra til å sikre ei rimeleg god vare- og drivstoff-forsyning i utkantstrøk, og oppretthalde grunnleggande servicefunksjonar for bidra til å bevare busettinga i spreitt buande strøk.
Daglegvarebutikkar i små bygdesamfunn i Nordland, der det er lang avstand til næraste daglegvare- og/eller drivstoffutsal kan søke. Det vil gjelde bygdesamfunn med inntil 300 innbyggarar, øysamfunn, veglause strøk eller der det er minimum 10 km langs landeveg til næraste alternativ.
Tilskot for kandidatar med særskilde behov
Tilskotsordninga skal stimulere lærebedrifter til å særskilt legge til rette læretida for lærlingar og lærekandidatar med dokumenterte behov. Og for at lærebedrifter skal inngå fleire lærekontraktar/opplæringskontraktar med minoritetsspråklege kandidatar med svake ferdigheiter i norsk og kort butid i Noreg.
