Utviklingstilskot for Finnmark
Utviklingstilskot for Finnmark skal bidra til lokal og regional næringsutvikling. Tilskotet kan bli gitt til bedrifter i alle kommunane i Finnmark, utanom Alta og Hammerfest, og vil bli vurderte ut i frå prosjekta si betydning for lokalsamfunna.
Kven kan søke?
Ordninga gjeld primært små og mellomstore bedrifter. Det kan bli gitt finansiering til store bedrifter med prosjekt som er spesielt viktige for lokal og regional nærings- og samfunnsutvikling.
Effektane av prosjektet skal kome næringslivet i denne regionen til gode. Prosjekta skal bidra til:
- auka verdiskaping
- sysselsetting
- omstilling
- lokal og regional næringsutvikling
Kva kan det brukast til?
Utviklingstilskot for Finnmark skal bidra til lokal og regional næringsutvikling, og Innovasjon Noreg vil i vurderinga si legge vekt på prosjekta si betydning for lokalsamfunna. Tenesta er etablert blant anna som følge av sanksjonane mot Russland.
Prosjekta som blir støtta av Innovasjon Noreg skal bidra til auka næringsaktivitet og verdiskaping i alle kommunane i Finnmark.