Treparts bransjeprogram
Treparts bransjeprogram for kompetanseutvikling er eit samarbeid mellom staten og partane i arbeidslivet. Målet er å auke deltakinga i kompetanseutvikling innanfor utvalde bransjar. Det er i tillegg eit mål at tilsette i bransjane får tilgang på nødvendig kompetanseutvikling, slik at dei er betre rusta til å meistre omstillingar og kan bli ståande i arbeid.
Det kan søkast om midlar til å utvikle nye tilbod eller vidareutvikling av tilbod, slik at dei blir retta spesifikt mot kompetansebehovet til bransjane som inngår i ordninga.
Kven kan søke?
- private tilbydarar med opplæring som hovudføremål
- akkrediterte universitet
- akkrediterte statlege og private høgskular med offentleg støtte
- offentlege fagskular og private fagskular med offentleg støtte
- fylkeskommunar
- studieforbund som ligg under Kunnskapsdepartementet si tilskotsordning
Bransjeprogrammet blir forvalta av Direktoratet for høgare utdanning og kompetanse (HK-dir, tidlegare Kompetanse Noreg).
Direktoratet for høgare utdanning og kompetanse - Treparts bransjeprogram for kompetanseutvikling
