Tilskot til forstudie for investeringar innan tradisjonelt landbruk
Eit forstudium for bruk med storfehald som står framfor større vegval om investeringar for å oppfylle lausdriftskravet.
For kven?
Bruk med storfehald som står framfor større vegval om investeringar for å oppfylle lausdriftskravet.
Kva kan dette brukast til?
- Ekstern bistand for å avklare brukarfamilien sitt ønske for framtida, framtidsplanar, forretningsidé/driftsopplegg, ressursar i form av personlege ressursar, areal- og kvoteressursar, økonomiske ressursar og materielle ressursar brukarfamilien og bruket rår over (vegval).
- Ekstern bistand til å kartlegge investeringsomfanget bruket kan makte for å sikre økonomisk berekraft for ulike driftsalternativ, irekna utarbeiding av økonomiske kalkylar.
- Ekstern bistand til å kartlegge i kva grad eksisterande bygningsmasse kan bli brukt, medrekna som grunnlag for evt. stegvis utvikling og utbygging.
- I tilfelle dei to første kulepunkta er dekka og (del)finansierte av særskilte regionale prosjekt, kan søknaden avgrensast til ekstern bistand til å kartlegge i kva grad eksisterande bygningsmasse kan bli brukt, her under som grunnlag for evt. stegvis utvikling og utbygging.