Tilskotsordningar frå Vestnorsk filmsenter
Vestnorsk filmsenter satsar på lokale filmskaparar og skal bidra til å bygge ein berekraftig filmbransje. Vestnorsk filmsenter skal sikre at film av høg kunstnarisk kvalitet blir produsert i regionen og skal bidra til at filmar frå Vestlandet kjem ut i verda.
Med Vestlandet meiner ein fylka Møre og Romsdal og Vestland. Prosjekt kan bli vurderte individuelt dersom dei har ei tydeleg forankring i regionen.
Kva kan du søke stønad til?
- utvikling og produksjon kortfilm
- utvikling og produksjon dokumentarfilm – enkeltståande og seriar
- samproduksjonar – produksjon
- utvikling av lang fiksjon - spelefilm, seriar
- utvikling av spel og interaktive prosjekt, særleg for barn og unge
- talentutvikling, manusrettleiing og kompetansehevande tiltak
- filmkulturelle og bransjeutviklande tiltak
Kven kan søke?
- søkar må ha audiovisuell produksjon som hovudformålet sitt
- søkar må vere registrert i Føretaksregisteret eller Einingsregisteret
- søkar må ha kontoradresse på Vestlandet, og betale skatt til ein kommune i regionen
- søker kan ikkje vere eigd heilt eller delvis av eit kringkastingsselskap
Tilskot blir gitt etter søknad. Det er normalt 5 søknadsfristar i året. Desse blir kunngjorde på Vestnorsk filmsenter sine nettsider. Det er 4-6 vekers behandlingstid på søknader som er sende inn.