Tilskotsordningar for spel
Norsk filminstitutt gir tilskot til å utvikle spel og andre interaktive produksjonar på norsk.
Innkjøpsordninga for spel
Innkjøpsordninga bidrar til at publikum får tilgang til norske spel gjennom biblioteka og er retta mot deg som er norsk spelprodusent. Søkar må ha rettane til å selje spelet.
Kompetansehevande tiltak for formidlarar av spel
Ordninga er for deg som arrangerer kompetansehevande tiltak blant bibliotekarar, pedagogar og andre yrkesgrupper som arbeider med formidling av spel. Du kan søke om tilskot til å dekke utgifter, gjennomføre seminar, bransjetiltak og kurs som svarer til formålet med ordninga.
Kompetansehevande tiltak for norsk audiovisuell bransje
Du som arrangør kan søke om tilskot til å dekke utgifter til å gjennomføre seminar/verkstader, meisterklassar, konvent og internasjonale samarbeid konvent eller andre kompetansehevande tiltak for den produserande film-, serie- og spelbransjen.
Utvikling av formidlingsopplegg i Den kulturelle skulesekken
Spelutviklarar, filmskaparar, manusforfattarar, distributørar, animatørar og formidlarar av film og spel i Noreg, som skal utvikle eit formidlingsopplegg med intensjon eller avtale om å turnere i Den kulturelle skulesekken (DKS) kan søke tilskot til utvikling av formidlingsopplegg knytt til film og spel.
Fellestiltak for spelbransjen
NIF gir tilskot til gjennomføring av fellestiltak for spelbransjen. Ordninga gjeld for fellestiltak for profilering av norsk spelbransje, kompetansehevande fellestiltak for produserande spelbransje og felles lanseringstiltak på internasjonale arenaer.
Lansering av spel
Du kan søke om tilskot til lansering av norske spel nasjonalt og internasjonalt. Ordninga skal bidra til at kvart spel kan nå det optimale publikumspotensialet sitt, hevde seg nasjonalt og internasjonalt, og auke inntektene i produksjonsføretaket frå spelet.
Utvikling av spel etter kunstnarisk vurdering
Du kan søke om tilskot til utvikling av spel, frå tidleg utvikling til ferdigstilling av spelet. Ordninga rettar seg mot spelprodusentar, og skal fremme spel som kulturuttrykk og stimulere til eit breitt og variert tilbod av norske spel.
Arrangement for formidling av spel
Arrangørar av publikumsretta tiltak kan søke prosjekttilskot til formidlingstiltak der spel blir presenterte for publikum i ein pedagogisk, kulturell, samfunnsmessig eller historisk samanheng.
Reisestipend utland
NFI gir tilskot til reiser og deltaking på kurs, finansieringsforum, festivalar og filmkulturelle arrangement i utlandet. Denne stipendordninga rettar seg mot profesjonelle fagarbeidarar som jobbar i den norske film-, serie- og spelbransjen.
Medverknadstiltak barn og unge
Du kan søke tilskot til tiltak som bidrar til at barn og unge får medverke i utforminga og/eller gjennomføringa av formidlingsopplegg på etablerte arenaer for film og spel. Tilskotet kan dekke relevante kostnader til utvikling av tiltak, herunder research og kartlegging for å nå nye målgrupper, etablering av barne- og ungdomsgrupper etc, og gjennomføring av desse.
