Tilskot ved svikt i honningproduksjon

Du kan ha rett til tilskot dersom føretaket ditt har hatt økonomisk tap i honningproduksjon.

Sist oppdatert 24.03.2025

Eit vilkår er at svikten skuldast klimatiske forhold som det ikkje er mogleg å sikre seg mot.

Produksjonen må vere mindre enn 70 prosent av gjennomsnittsproduksjonen per bikube for å utløyse grunnlag for tilskot. Søkar må sjølv dekke eigen risiko på 30 prosent av gjennomsnittsproduksjonen.
Svikten i honningproduksjonen må vere vesentleg og skuldast klimatiske forhold det ikkje er mogleg å sikre seg mot, som for eksempel redusert blomstring og/eller dårleg flyvêr.
- Redusert produksjon på grunn av for eksempel sjukdom eller oppsplitting av bifolk blir ikkje dekt.
Forholdet må bli meldt til kommunen så raskt som mogleg (utan ugrunna opphald).
Føretaket må ha drive på ein fagleg forsvarleg måte og gjort det som normalt kan forventast for å førebygge tap.
Føretaket må legge til rette for sterke bifolk, førebygge sjukdom og ha ein tilpassa sjukdoms-/parasittbehandling.
Føretaket må på skadetidspunktet ha rett til produksjonstilskot.