Tilskot til rapporteringsutstyr for fiskeflåten under 15 meter
Formålet med ordninga er å redusere kostnadsbyrda ved nye rapporteringskrav for den minste fiskeflåten. Målgruppa er yrkesfiskarar med merkeregisterte fiskefartøy under 15 meter.
Det blir gitt 7 700 kroner i eingongsstøtte per merkeregistrerte fartøy under 15 meter, som installerer godkjent utstyr innan dei forskriftsfesta fristane.
Tilskotet blir utbetalt på bakgrunn av framlagd dokumentasjon på innkjøp og installasjon av godkjent utstyr, i samsvar med Forskrift om posisjonsrapportering og elektronisk rapportering for norske fiske- og fangstfartøy § 4.
Siste frist for innsending av søknad er 31. august 2026.