Tilskot til publikumsutvikling og filmkunnskap
Formålet med ordninga er å auka interessa for europeisk film og nå ut til nye publikumsgrupper, med eit særleg fokus på auka filmkunnskap hos barn og ungdom.
Kva kan det søkjast støtte til?
- Nye og innovative samarbeidsprosjekt, gjerne med bruk av digital teknologi, som fører til auka publikumsoppslutning og auka interesse for europeisk film.
- Prosjekt med ein klar europeisk dimensjon i form av type samarbeid/partnarskap og geografisk og kulturell diversitet.
- Prosjekt med fokus på filmarv/filmhistorie, og med eit særleg fokus på barn og unge.
- Filmar og audiovisuelle verk må minst vere 50% frå eit land som deltek i MEDIA-programmet, og prosjektet bør inneha strategiar for å ta vare på miljø og kjønnsbalanse/diversitet.
Kven kan søkje?
Enkeltståande selskap, eller eit konsortium beståande av minst to partnarar (frå land som er medlem av MEDIA-programmet). Ein av partnarane er prosjektleiar og sender inn søknaden på vegne av begge/alle partnarane. Partnarane kan elles ha ulik selskapsform; det kan vere private selskap, institusjonar, non-profit selskap, stiftingar e.l. Enkeltpersonar kan ikkje søkje.
Kreativt Europa om tilskot til publikumsutvikling og filmkunnskap
