Testarena for industrien
Norsk katapult er ei ordning med nasjonale senter som skal sikre fasilitetar og kompetanse for testing, simulering og verifisering til industrien.
I samarbeid med Noreg sitt fremste industrimiljø legg ordninga Norsk katapult til rette for etablering og utvikling av katapult (industrinære testarenaer) på område med stor verdi for industri og næringsliv i framtida.
Gjennom katapultane får norske bedrifter enkelt tilgang til utstyr, teknologi og kompetanse hos landet sine fremste industrimiljø og kan utvikle, teste, verifisere og kvalifisere produkta, tenester og prosessane sine med lågare risiko. Dette er særleg viktig for små og mellomstore bedrifter, som ofte manglar ressursar til å gjennomføre slike prosessar på eiga hand. Resultatet er meir innovasjon, raskare omstilling og styrka konkurransekraft, som bidrar til auka industriell verdiskaping og grøn omstilling for nærmiljø i heile Noreg.
