Statens kunstnarstipend
Stipendordninga skal leggje til rette for at enkeltkunstnarar, gjennom å få direkte tilskot frå staten, skal kunne bidra til eit mangfaldig og nyskapande kunstliv.
Ved tildeling skal det leggjast vekt på kunstnarisk kvalitet og aktivitet.
Kunstnarstipend omfattar følgjande stipendtypar:
- Arbeidsstipend
- Arbeidsstipend for yngre/nyetablerte kunstnarar
- Diversestipend
- Diversestipend for nyutdanna kunstnarar
- Stipend for etablerte kunstnarar
- Stipend for seniorkunstnarar
Stipend blir tildelt etter søknad frå den einskilde kunstnaren.
I forskrift om statens stipend og garantiinntekter for kunstnarar finst nærare opplysningar om stipenda og om reglane for søknad, innstilling, tildeling og rapportering.
Kven kan søkje?
Kunstnarar som i hovudsak bur og har sitt virke i Noreg kan søkje stipend. Når det blir blir sett på som rimeleg, kan det gjerast unntak frå regelen om å bu og virke i Noreg.
Stipenda gjeld ikkje kunstnarar som er i ein grunnutdanningsfase.
Forskrift om statens stipend og garantiinntekter for kunstnere
