Reisestønad – scenekunst
Det overordna formålet med tilskotsordninga er å bidra til at profesjonelle scenekunstnarar og kulturaktørar får internasjonale moglegheiter. Reisestøtta skal bidra til at norske scenekunstnarar som vert inviterte til, og vert engasjerte i utlandet, vert sette i stand til å gjennomføre engasjement.
Senter for scenekunst Noreg (PAHN) administrerer Det Norske Utanriksdepartementet si reisestønadsordning for gjestespel frå norske kompani til utlandet Det er fire søknadsrundar i året.
Det kan hovudsakleg søkast om økonomisk stønad til reiseutgifter (fly, tog, buss eller leigebil) og i nokre tilfelle utgifter til transport av utstyr/scenografi i forbindelse med eit engasjement i utlandet.
Deltakinga må vere basert på invitasjon frå profesjonelle samarbeidspartnarar, og invitasjonen skal leggast ved søknaden. Reisestønad kan i særskilde tilfelle også bli gitt til faglege seminar eller andre aktivitetar i utlandet som har stor betydning for det frie scenekunstfeltet.
Kven kan søke?
Ordninga gjeld profesjonelle utøvarar innan scenekunstfeltet, det vil seie at dei i hovudsak lever av arbeidet sitt innanfor feltet. Søkaren må vere registrert med eit organisasjonsnummer i Brønnøysundregistera.
Tilskotsmottakarar skal vere norske statsborgarar eller utanlandske statsborgarar busette i Noreg. Dersom delar av prosjektet blir gjennomført av utanlandske deltakarar, skal prosjektet bidra til å fremme norsk scenekunst.
