Reindrift
Landbruksdirektoratet har fleire ordningar innanfor reindrift.
Tilskot til distriktsplanar
Reinbeitedistrikt og reinlag kan søke om tilskot til utarbeiding og revidering av distriktsplanar og reindriftsplanar.
Kompensasjon for tiltak mot radioaktivt reinkjøtt
Reinlag, reinbeitedistrikt og siidaar sør for Saltfjellet, kan søke om kompensasjon for utgifter, meirarbeid og økonomisk tap som følge av tiltak mot radioaktivitet i reinkjøtt.
Refusjon av kursutgifter
Reineigarar kan søke om refusjon til kurs og etterutdanning, og reise og opphald i forbindelse med dette.
Tilskot til kvinneretta tiltak
Kvinnenettverk og reindriftskvinner som tilhøyrer ein siidaandel, kan søke om tilskot til tiltak som aukar verdiskaping, hevar kompetanse og bidrar til å etablere, oppretthalde og drifte kvinnenettverk.
Tilskot til ulike utviklingstiltak
Tilskot til praktiske tiltak, strukturtiltak, faglege tiltak, tilrettelegging av kurs og tiltak som følge av klimaskapte endringar. Den som har behov for økonomiske stønad til tiltak som er omfatta av RUF-forskrifta, og som oppfyller dei generelle vilkåra for tilskot etter forskrifta, kan søke.
Tilskot ved omfattande tap av rein i ulykker
Siidaandelar eller reinlag kan søke om tilskot ved omfattande tap av rein på grunn av ei uføreseieleg og akutt hending.
Tidlegpensjon for reindriftsutøvarar
Leiar av siidaandel kan under gitte føresetnader søke om tidlegpensjon, eller saman med ektefelle eller sambuar søke om tobrukarpensjon.
Tilskot til avløysarar i reindrift ved svangerskap, fødsel, adopsjon og dødsfall
Leiar av siidaandel og ektefelle eller sambuar kan søke om tilskot til å finansiere leige av avløysarar i reindrifta ved svangerskap, fødsel, adopsjon og dødsfall. Tilskotet skal dekke faktiske utgifter til lønn, feriepengar og arbeidsgivaravgift.
Tilskot til konfliktførebyggande tiltak
Tilskot til konfliktførebyggande tiltak mellom reindrift og anna landbruk, eller mellom reindrift, by og andre involverte. Partar som er einige om det, kan søke om tilskot til konfliktførebyggande tiltak.
Tilskot til reindriftsanlegg
Siidaandelar, siida, reinbeitedistrikt eller reinlag kan søke om tilskot til å dekke utgifter til oppføring av gjerder og reindriftsanlegg.
Tilskot til siidaandelar og reinlag
Siidaandelsleiar og representant for reinlaget kan søke om tilskot til siidaandelar og reinlag.
Ekstraordinært tilskot til beredskap i reindrifta
Reinbeitedistrikt og reinlag kan søke om ekstraordinært tilskot til beredskap når beredskapsutvalet har fastslått beitekrise og eige krisefond ikkje er tilstrekkeleg.
Tilskot til feltbarnehage
Reinbeitedistrikt, sommarsiida, reinlag eller siidaandelsleiar i vintersiida kan søke om tilskot til feltbarnehage med organisert og tidsavgrensa pass av barn under skolepliktig alder, i periodar med større reindriftsaktivitetar.
Tilskot til fjerning av gamalt gjerdemateriale
Reinbeitedistrikt eller reinlag kan søke om tilskot for å fjerne gamle, ubrukte gjerde som er til bry i naturen.
Tilskot til frakt av rein i forbindelse med slakting
Tilskot for frakt av levande rein kan bli innvilga til den som første gong kjøper råvara frå reineigar. Ved direktesal frå reineigar til forbrukar eller detaljist kan tilskot bli innvilga til reineigar.
Tilskot til fôring og flytting som følge av manglande konvensjon mellom Noreg og Sverige
Reinbeitedistrikt, siida, siidaandel og reineigar som har hatt rett til reinbeite i Sverige, kan søke tilskot. Den som søker må vere frå reinbeitedistriktet Balvatn, Saltfjellet, Ildgruben og Byrkije i Nordland eller reinbeitedistrikta Helligskogen, Hjerttind/Altevatn og Gielas i Troms.
Tilskot til juridisk bistand
Reinbeitedistrikt og siidaar kan søke om tilskot til juridisk bistand i forbindelse med sikring av beiterett eller beiteareal, både med og utan domstolsbehandling i Noreg.
Tilskot til rapportering av slakta rein
Den som rapporterer om slakta rein, kan søke om tilskot til å gjennomføre rapporteringa.
Tilskot til reinbeitedistrikt og reinlag
Tilskotet skal bidra til utvikling av reindrifta i ei berekraftig retning, avsetning til kriseberedskap, diverse administrative ordningar, arbeid med HMS og avløysing ved ferie og fritid. Reinbeitedistrikt og reinlag kan søke. Ordninga må blir sett i samanheng med ordninga ekstraordinært tilskot til beredskap.
Tilskot til sikring av reindrifta sine areal
Reinbeitedistrikt kan søke om tilskot til større tiltak i forbindelse med arealinngrep.
Tilskot til tilrettelegging for at utøvarar med nedsett funksjonsevne skal delta i reindrifta
Tilskotet skal bidra til å dekke utgifter siidaandel/distrikt har ved tilrettelegging for dette. Siidaandelsleiar kan søke på vegner av siidaandelen eller distriktsstyret/styret i reinlaget på vegner av reinbeitedistriktet/reinlaget.
