PILOT-E
PILOT-E lyser ut midlar til prosjekt innan miljøvenleg energiteknologi for å få fram nye og konkurransedyktige bedrifter på området.
PILOT-E er eit finansieringstilbod til norsk næringsliv, etablert av Forskningsrådet, Innovasjon Norge og Enova.
Målet med ordninga er at heilt nye produkt og tenester innan miljøvenleg energiteknologi skal bli utvikla og tatt i bruk for å bidra til kutt i utsleppa både i Noreg og internasjonalt.
PILOT-E samkøyrer dei tilgjengelege finansieringstilboda i verkemiddelapparatet og inneber høgare føreseielegheit for stønad, tettare oppfølging og sterkare koordinering. PILOT-E vil følge opp aktørane gjennom heile teknologiutviklingsløpet - frå idé til marknad.
Finansieringa skal redusere uvisse for bedrifter og gi dei betre grunnlag for å planlegge - og dermed nå heilt fram til marknaden med nye løysingar.
