Investeringar i drifts-, bygnings og produksjonsanlegg
Det kan bli gitt tilskot til investeringar i driftsbygningar, fôrlager og andre produksjons- eller lagerbygg for korn, potet, frukt og bær og tilhøyrande produksjonsutstyr av varig karakter og faste installasjonar til vatningsanlegg.
For kven?
Bønder som skal investere i oppgradering, fornying eller ny driftsbygning/produksjonsanlegg.
I Jordbruksavtalen er det fastsett følgande prioriteringar:
- Små og mellomstore bruk
- Bruk med mjølkeproduksjon og storfe som må tilpassa seg lausdriftskravet. Innan mjølkeproduksjon er bruk med inntil 30 kyr særskilt prioritert.
- Investeringar for å betre dyrevelferd
- Investeringar innan korn-, frukt-, grønt- og veksthusnæringa
- Prosjekt med klima- og energieffektive løysingar
Det blir ikkje gitt stønad til investeringar som inneber vesentleg produksjonsauke for produksjonar med overproduksjon.
Kva kan det bli brukt til?
- Oppgradering, fornying eller ny driftsbygning eller produksjonsanlegg.
- Faste installasjonar til vatningsanlegg.
- Investeringsprosjekt skal representere eit løft og ei klar oppgradering.
Tiltak av vedlikeholdsprega karakter blir ikkje prioriterte.