Fond for utøvande kunstnarar
Profesjonelle utøvande kunstnarar kan søkje frå dei ulike støtteordningane til fondet som støtte til innspeling av fonogram, prosjektstøtte innan musikk, teater og dans, reisestøtte, kurs og etterutdanningsstipend.
Med profesjonelle utøvande kunstnarar meinast musikarar, songarar, skodespelarar, dansarar, sceneinstruktørar, dirigentar og andre som gjennom kunsten sin framfører åndsverk og har dette yrket som sitt hovudverv. Utøvarane må bu og hovudsakleg ha sitt virke i Noreg.
Støtta blir gitt etter søknad frå den utøvande sjølv, arrangør, produsent eller andre. Midlane går til frilansverksemd og til frie grupper.
Støtte frå fondet er i all hovudsak øyremerkt honorar til dei utøvande kunstnarane som deltek i prosjekta det blir søkt støtte til.
Støtteordningane til fondet:
Innspelingar - fonogram
Det kan søkjast støtte til innspeling av fullengdes album som blir gjort i Noreg med minimum speletid på 25 minutt, og der det hovudsakleg deltek musikarar som bur og jobbar i Noreg. Søkjar ein fleire instansar om støtte, skal dette oppgivast i søknaden. Utgivinga må vera sikra å kome i handelen gjennom profesjonelle distribusjonskanalar. Det blir ikkje gitt støtte til innspelingar som er påbyrja eller gjennomførte, men det er opna for at to allereie utgitte singelar kan vere med på eit album ein søkjar støtte for å spela inn.
Prosjektstøtte
Prosjektstøtte er delt opp i kurs/seminar, musikk, dans, teater, musikkteater/blanda scenekunst og lanseringskonsertar, og der det hovudsakleg deltek musikarar som bur og jobbar her i Noreg. Det kan ikkje søkjast støtte til skapande arbeid, og fondet har inga ordning tilsvarande Kulturrådets støtte til forprosjekt. FFUK gir ikkje støtte til konsertar/framsyningar med visning på digitale plattformer eller til innspeling av dansefilmar, musikkvideoar med meir.
Det blir ikkje gitt støtte til prosjekt som er i gang eller gjennomførte.
FFUK - prosjektstøtte kurs/seminar
FFUK - prosjektstøtte musikkteater/blanda scenekunst
FFUK - prosjektstøtte lanseringskonsertar
Reisestøtte
Profesjonelle utøvande kunstnarar busett i Noreg kan søkje støtte til reiser med kunstfagleg innhald, til dømes kurs/seminar, meisterklassar, workshops, prøvespel/audition eller privattimar hos timelærar eller kunstfagleg institusjon. Det blir ikkje gitt støtte til reiser der formålet er skapande verksemd, som komponering og skriving, eller "inspirasjonsreiser".
Etterutdanningsstipend
Stipendet kan søkjast til lengre opphald i utlandet, der ein til dømes skal gå kurs, skular eller ta privattimar for å etterutdanna seg innanfor det utøvande yrket. Du må allereie vere etablert som utøvande kunstnar for å kunna søkja om stipend. Det kan berre sendast personleg søknad om stipend.
