Bildande Kunstnarar sitt Hjelpefond

Ein som profesjonelt og yrkesmessig produserer, eller har produsert, verk som er omfatta av kunstavgiftslova, blir rekna som kunstnar. Tildelingane går hovudsakleg til enkeltkunstnarar etter søknad og skjer på eit kunstfagleg grunnlag.

I tillegg til stipend og tilskot til enkeltkunstnarar kan ein søke om utviklings- og formidlingstilskot til prosjekt som fremmer interessa for det visuelle kunstfeltet, og som stimulerer produksjon, formidling og sal av kunst.

BKH forvaltar også Haustutstillingsprisen, Kunsthandverkprisen og Fotokunstprisen, og regionale stipend gjennom Kunstsentra i Noreg. I tillegg deler fondet ut Ulrik Hendriksen sin ærespris og John Savio-prisen.

Fondet sine midlar kjem frå kunstavgifta, ei lovpålagd avgift på fem prosent av offentleg omsetning av kunst med salspris over 2 000 kroner.