Bedriftsnettverk i andre landbruks- og reindriftsbaserte næringar
Har bedrifta di behov for hjelp til å styrke samarbeidet med andre bedrifter, skape tillit, identifisere felles utfordringar og interesser?
For kven
Små og mellomstore bedrifter med vekstambisjonar, og som har evne og vilje til å inngå strategisk kommersielt samarbeid med andre bedrifter. Bedriftsnettverket må bestå av minimum tre små og mellomstore bedrifter med etablert økonomisk verksemd, registrerte i Føretaksregisteret i Noreg.
- eit fleirtal av bedriftene i nettverket/det planlagte nettverket skal drive næring med utgangspunkt i landbruket sine ressursar.
- primærprodusentar i landbruket, ferskvass-/innlandsfiske- og næringsmiddelbedrifter som utviklar, foredlar og sel kvalitetsprodukt baserte på lokale råvarer.
- reiselivsbedrifter som ønsker å utvikle tilbod med utgangspunkt i landbruket sine ressursar, irekna mat, overnatting, servering, natur- og kulturbaserte aktivitetar og opplevingar, haustbart vilt og andre utmarksressursar.
- Inn på tunet-tilbydarar innanfor Stiftelsen Norsk Mat sine godkjenningsordningar.
Kva kan det brukast til
Tilskotet bidrar til at små og mellomstore bedrifter med vekstambisjonar etablerer strategisk, marknadsretta og kommersielt samarbeid med andre bedrifter. Samarbeidet skal gi auka kompetanse og bidra til utvikling og realisering av nye marknadsmoglegheiter i eksisterande eller nye marknader i Noreg eller i utlandet, med utgangspunkt i bedriftene sine eksisterande produkt og tenester.