Arbeidskapital-garanti
Eksportfinansiering Noreg tilbyr Arbeidskapital-garanti til bankar for å styrke kapitaltilgangen for spesielt små og mellomstore bedrifter (SMB).
Eksportfinansiering Noreg kan garantere for løpande driftskredittar frå bankar (som kassekreditt) til bedrifter som eksporterer sjølv, eller som er underleverandørar til ei eksportbedrift. Også vekstbedrifter med planar om eksport kan kvalifisere for garantien.
Eksportfinansiering Noreg garanterer for 50 prosent av bankens uteståande under det aktuelle kassekreditt-engasjementet med eksportbedrifta.
Kven kan søkje?
- Bedrifter med minst 20 prosent direkte eller indirekte eksportandel.
- Bedrifter som forventar tilsvarande eksport dei neste 12 månadene.
- Bedrifter som er leverandørar til eksportbedrifter.
- Bedrifter som banken vurderer som kredittverdige.
Eksportfinansiering Noreg fremjar norsk eksport ved å stille garantiar for lån og betalingar på vegner av den norske stat.
