Fylkeskommunen forvaltar ulike finansieringsordningar i arbeidet med næringsutvikling. Målgruppa for den enkelte tilskotsordning kan vere noko ulik.
Nokre av ordningane det kan søkast tilskot og stønad frå:
Midlane skal støtte prosjekt som bidrar til at Rogaland speler ei sentral rolle når det gjeld berekraftig næringsutvikling i privat og offentleg sektor.
Prioriterte tema er
Prosjekta skal vere forankra i Regionalplan for kompetanse i Rogaland eller i eitt av fleire av dei tre satsingsområda i Nærings- og innovasjonsstrategien til Rogaland fylkeskommune: rein energi og maritim framtid, mat og reiseliv og opplevingar.
Fem regionale kompetansenettverk gir deg matfagleg kunnskap gjennom blant anna kurs og besøksordning. Kompetansenettverka er ein del av tilbodet i Innovasjon Norges Utviklingsprogram for landbruks- og reindriftsbasert vekst og verdiskaping.
Ulla-Førrefondet skal vere ein offensiv reiskap i arbeidet med grøn omstilling av næringslivet og utvikling av høgare utdanning i Rogaland, med vekt på utdanning, forsking, teknologiløysingar og andre samfunnsnyttige tiltak i tråd med dette.
FORREGION skal bidra til auka berekraftig verdiskaping hos næringslivet i Rogaland gjennom forskingsbasert innovasjon. Stønadsordninga skal få fleire bedrifter til å bruke forsking i innovasjonsarbeidet sitt og mobilisere næringslivet til å bruke andre verkemidlar for forsking.
Regionalt næringsfond skal vere eit målretta verkemiddel for kommunar og regionar i Rogaland, med formål om å stimulere til næringsutvikling og berekraftig verdiskaping i tråd med Nørings- og innovasjonsstrategien for Rogaland. I tillegg inngår det nasjonale midlar i fondet, lyremerka tiltak som skal bidra til å møte distriktsutfordringar.
Midlane skal styrke utviklingskapasitet og strategisk arbeid i distriktskommunar, blant anna gjennom nye måtar å løyse oppgåver på og gjennom ei meir heilskapleg og langsiktig samfunnsplanlegging. Prosjekta skal ta utgangspunkt i kommunane sine eigne behov og utfordringar, og er ikkje nødvendigvis avgrensa til dei næringsområda som er definerte i Nærings- og innovasjonsstrategien.
Gjennom fondet vil fylkeskommunen støtte prosjekt som fremmar nye arbeidsmåtar og bidrar til å styrke utviklingskapasiteten, løfte den strategiske samfunnsplanlegginga, skape grunnlag for næringsutvikling og auka verdiskaping, i tillegg til å gjere Rogaland meir attraktiv som bu- og besøksregion.
RT-midlane skal støtte utviklingsprosjekt som fremmar regional næringsutvikling, rekruttering og kompetanseheving i landbruket i Rogaland.
Dette inkluderer tiltak som bidrar til omstilling, klimasmart utvikling, modernisering av både økologisk og tradisjonelt landbruk , i tillegg til utvikling av ressursgrunnlaget til garden, lokal mat, drikke og reiseliv.
Prosjekta må vere i tråd med kapittelet om mat i Nærings- og innovasjonsstrategien for Rogaland og bidra til verdiskaping og berekraftig utvikling innan landbruket i Rogaland.
Breibandsmidlane skal bidra til utbygging av breiband i geografiske område der det ikkje er kommersielt grunnlag for investeringar