Internasjonale residency-opphald for kunsthandverkarar
Norwegian Crafts tilbyr stønad til noregsbaserte kunsthandverkarar som ønsker å delta på internasjonale residency-opphald ved anerkjende institusjonar i USA og Mexico. Ordninga gir moglegheit for fagleg fordjuping, eksperimentering og nettverksbygging i tverrfaglege og internasjonale miljø.
Residency-ordninga omfattar fire ulike program som gir kunsthandverkarar tilgang til kortare eller lengre opphald ved internasjonale institusjonar for kunst og design. Opphalda er tilrettelagt for å stimulere til kunstarisk utvikling og utveksling i tillegg til nye samarbeid.
Dette kan du søke stønad til:
Du kan søke om stønad til deltaking, reise, opphald og materialkostnadar i forbindelse med følgande residency-program:
- Haystack Mountain School of Crafts Summer Workshop (USA): Kortare residency-opphald med fokus på utforsking og eksperimentering innan kunsthandverk.
- Craft Art, Science and Technology Residency in Monterrey (Mexico): Residency i skjeringspunktet mellom kunst, teknologi og vitskap. Det blir organisert i samarbeid med universitetet TEC de Monterrey.
- Artist in Residence at Cerámica Suro (Mexico): Residency-opphald i ein fabrikk med moglegheiter til å produsere keramikkarbeid i stor skala.
- Pilchuck Glass School Summer Programmes (USA): Kortare opphald med workshops i glas. Tilgang til internasjonale fagmiljø og spesialiserte verkstadar.
Kven kan søke?
Profesjonelle kunsthandverkarar som er busette i Noreg kan søke. Det er eit krav at du har relevant kunstfagleg bakgrunn og motivasjon for å delta i eit internasjonalt fagmiljø. Kvar ordning har eigne kriterium og søknadsprosedyrar.
