Godkjenning av private grunnskular utan krav på offentleg støtte

Søknaden blir sendt per brev til Utdanningsdirektoratet.

Følgjande dokumentasjon skal vere vedlagt søknaden:

Fullstendig læreplanverk som skulen skal følgje.
Oversikt over bestemmingar i opplæringslova det blir søkt unntak frå.
Stadfesting på at resten av krava i opplæringslova vil bli følgt.

LOV 1998-07-17 nr 61: Lov om grunnskolen og den vidaregåande opplæringa § 2-12.

FOR 2006-06-23 nr 724: Forskrift til opplæringslova.

Kriterium/vilkår:

Det blir gjeve godkjenning til alle søkarar som oppfyller krava i opplæringslova § 2-12 andre og tredje ledd.

Saksbehandlingstid:

Utdanningsdirektoratet skal førebu og avgjere saka utan ugrunna opphald.
Søkjar må rekne med forlenga saksbehandlingstid dersom søknaden som vert send inn ikkje er komplett. Behandlingstida for søknaden kan vere inntil 4 månader frå det tidspunktet søknaden er komplett, dvs. at alle dokument som krevst, er mottekne i Utdanningsdirektoratet, jf. tenestelova § 11.

Gebyr for søknadsbehandling:

Utdanningsdirektoratet krev ikkje gebyr for å handsame søknaden.

Klagerett:

Søkjar kan klage på vedtaket. Dette gjerast etter forvaltningslova § 28. Kunnskapsdepartementet handsamar klagen. Klagefristen er 3 veker etter at vedtaket er motteke.