Søknad om innførsel av flyttegods i særlige tilfeller

Du kan innføre flyttegods (innbu og andre gjenstandar til personleg bruk) utan å betale tollavgift og andre avgifter, under føresetnad av at følgjande kriterium er innfridde: 

• Du har opphalde deg i utlandet samanhengande i minst eitt år. 
• Du / personar i husstanden din har eigd eller hatt og brukt gjenstandane under opphaldet i utlandet, og du / medlemmane av husstanden din skal framleis bruke dei i Noreg. 

• Du innfører flyttegodset i samband med flytting til Noreg. 

• Du innfører flyttegodset innan rimeleg tid og seinast innan eitt år etter flytting til Noreg. Tolletaten kan i særtilfelle (sjå informasjonen under) forlenge denne eittårsfristen.    

Du kan lese meir om regelverket for flyttegods her. 

VIKTIG INFORMASJON 

Dei aller fleste som flyttar til Noreg, treng ikkje fylle ut dette søknadsskjemaet  

Det er vanlegvis tilstrekkeleg at du tek kontakt på raud sone og leverer ei erklæring om innførsel av flyttegods til Tolletaten når du kjem til grensa til Noreg og skal tollbehandle flyttegods. Du finn erklæringa om innførsel av flyttegods her. 

Bruk dette søknadsskjemaet i følgjande situasjonar  

I enkelte tilfelle bør/skal det sendast inn ein søknad til Tolletaten om å få godkjent innførsla av vara/varene som avgiftsfritt flyttegods:  

• Du flytta til Noreg for meir enn eitt år sidan og ønskjer å innføre varer som flyttegods. Tolletaten kan i særtilfelle forlenge eittårsfristen.    

• Dersom du skal innføre eit fritidsfartøy til Noreg som flyttegods.  

• Dersom du ønskjer å få vurdert om ei vare som du allereie har teke med deg til Noreg, kan godkjennast av Tolletaten i ettertid som avgiftsfritt flyttegods.  

Også i enkelte andre tilfelle kan det vere behov for å få avklart, før vara kjem til norskegrensa, om vara kan innførast avgiftsfritt som flyttegods. Dette kan til dømes vere aktuelt i tilfelle der innførsla gjeld spesielle varer som er underlagde restriksjonar eller har særleg høg kommersiell verdi. Dersom du er i tvil om du treng å fylle ut dette søknadsskjemaet, kan du kontakte oss for rettleiing. Du finn kontaktinformasjonen vår nedst på denne sida.  

Vi anbefaler at du sender inn søknaden i god tid før det aktuelle flyttegodset kjem til grensa og skal deklarerast. 

Skjemaet skal berre brukast av privatpersonar som søkjer om avgiftsfri innførsel av flyttegods til Noreg på eigne vegner. Alternativt kan skjemaet fyllast ut og sendast inn av ein speditør, eller av ein annan person som representerer vedkomande som søkjer om avgiftsfritaket. Personar som søkjer på vegner av andre, må leggje ved fullmakt frå vedkomande som søkjer om avgiftsfritaket. Advokatar treng ikkje leggje ved fullmakt, men må oppgi namnet på advokatfirmaet sitt.   

Kva vedlegg du må/bør laste opp og leggje ved søknaden vil avhenge av typen vare/gods du søkjer om å få godkjend som flyttegods. Når du fyller ut søknadsskjemaet, får du nærmare informasjon om vedlegga som krevst.    

Godkjende filformat for vedlegg hos Tolletaten er .jpeg, .png, .docx, .jpg, .pdf, .pptx, og .xlsx

Prosessen for å sende inn dette skjemaet består av tre trinn: 
 
1.    Utfylling 
2.    Signering og innsending 
3.    Kvittering 
 
1.    Utfylling  
 
Utfyllinga er sjudelt. Det er viktig at du gir så detaljert informasjon som råd når du fyller ut skjemaet. 
 
•    I del 1 legg du inn informasjon om søkjar /  kontaktinformasjon. 
•    I del 2 gir du informasjon om varene som blir søkt innførte avgiftsfritt til Noreg som flyttegods. I denne delen opplyser du også om eventuelle andre varer som blir frakta til Noreg samstundes med flyttegodset. 
•    I del 3 gir du informasjon om flytteprosessen og kor varene er per i dag.  
•    I del 4 legg du inn informasjon om mengde flyttegods og sendemåte. 
•    I del 5 lastar du opp vedlegg til søknaden. 
•    I del 6 kan du leggje inn eventuelle tilleggsopplysningar til søknaden. 
•    I del 7 fyller du ut ei erklæring. 
 
2.    Signering og innsending 
 
Signering og innsending skjer samstundes når du klikkar på knappen «Send inn».  
 
3.    Kvittering 
 

Du vil få ei kvittering frå Altinn med eit referansenummer. Kvitteringa finn du i din Altinn innboks under Arkiv. Dette referansenummeret bruker du om du skal ettersende ytterlegare informasjon/dokumentasjon. For å sende inn ny informasjon i di sak, bruker du skjemaet Pågåande sak hos Tolletaten.