Meldeordning for å yte rettshjelp

Søknad med vedlegg blir sendt til Tilsynsrådet for advokatverksemd.

Følgjande dokumentasjon skal vere vedlagt meldinga:

• Vitnemål, master i rettsvitskap eller juridisk embetseksamen – Sendast som lenke via Vitnemålsportalen med kode til post@tilsynet.no. Eventuelt må vitnemål sendast per post og vere stadfesta med «rett kopi» av praktiserande advokat, domstol eller domstolliknande organ, med stad, dato og signatur (fullt namn). Dersom du tidlegare har vore registrert i Tilsynsrådet sitt register, er det ikkje naudsynt å sende inn vitnemålet på nytt.
• Ordinær politiattest – Dersom attesten er motteken i Digipost, skal han vidaresendast via Digipost til Tilsynsrådet for advokatverksemd. Er han motteken i e-Boks eller Altinn, skal han sendast gjennom e-Boks eller Altinn til post@tilsynet.no. Dersom attesten er motteken i posten, må han oversendast Tilsynsrådet i original. Politiattesten skal ikkje vere eldre enn tre månader. Politiattest kan ettersendast. Informasjon om korleis du skal gå fram for å få politiattest finn du på politiet sine nettstader.

LOV 1915-08-13 nr 05: Lov om domstolene (domstolloven) § 218 annet ledd og § 219 første ledd fjerde punktum.

Søknad om løyve til å utøve rettshjelpsverksemd for personar med juridisk embetseksamen, jf. domstollova § 218 andre ledd nr. 1.

Når løyve til å utøve rettshjelpsverksemd er motteke av Tilsynsrådet, vil søkjar bli skrive til  med opplysningar om kva som må vere ordna før verksemda kan starte. Giro for betaling av bidrag til Tilsynsrådet vil samtidig bli utsendt.

Ein blir først registrert som rettshjelpar når lovpålagt sikkerheit er stilt, bidrag betalt og viljeserklæring frå revisor er motteke av Tilsynsrådet.

Kriterium/vilkår:

For å søkje om løyve til å utøve rettshjelpverksemd vert det krevd juridisk embetseksamen eller mastergrad i rettsvitskap.

For å utøve rettshjelpsverksemd i Noreg må ein ha eller vere i ei verksemd som er etablert i Noreg.

Saksbehandlingsfristar:

Tilsynsrådet for advokatverksemd skal stadfeste mottaket av meldinga di innan ein månad etter at ho er motteken, og informere om eventuelle manglande dokument eller manglar. Tilsynsrådet for advokatverksemd skal ha ferdigbehandla meldinga innan tre månader etter å ha motteke nødvendige opplysningar og dokumentasjon.

Gebyr:

Ingen gebyr for søknad eller saksbehandling.

Bidrag til Tilsynsrådet for rettshjelparar: Storleiken på bidraget for rettshjelparar var kr 2.800 i 2023.

Beløpet må betalast før verksemda startar.

Dersom ein melder oppstart etter 30. juni, betalast berre halvt bidrag.

Klage på vedtak:

Når Tilsynsrådet for advokatverksemd har fatta eit vedtak, har du moglegheit til å klage på dette i samsvar med domstollova § 225 fjerde ledd. For klagebehandling gjeld reglane i forvaltningslova kapittel VI, sjå domstollova § 225 åttande ledd.