Godkjenning som trafikkskole

Alle som ønskjer å drive med trafikkopplæring.

Det er ikkje krav om vedlegg, og dersom det er behov for ytterlegare dokumentasjon, vil du bli kontakta.

Forskrift om trafikkopplæring og førarprøve m.m. (trafikkopplæringsforskrifta) § 5-2. Godkjenning av trafikkskular

Søknadsskjemaet blir sendt inn til regionskontoret i den regionen der trafikkskulen skal etablerast. Dersom søknaden gjeld godkjenning som kursarrangør for klasse S (snøskuter) skal søknaden sendast til region nord.

Gebyr:

Statens vegvesen krev gebyr for behandling av søknad om godkjenning som trafikkskule, jf. Forskrift om gebyr på tenester utført av Statens vegvesen på trafikant- og køyretøyområdet § 10-1, og trafikkopplæringsforskrifta § 5-14. Gebyret må betalast sjølv om du får avslag på søknaden.

Saksbehandlingstid:

Godkjenningsstyresmakta skal stadfeste mottak av søknaden din innan ein månad etter at den er motteken, og opplyse om eventuelle manglande dokument eller manglar ved søknaden.Godkjenningsstyresmakta skal ha ferdigbehandla søknaden innan ein månad etter at søknaden var komplett.

Klagerett:

Når godkjenningsstyresmakta har fatta eit vedtak, har du moglegheit til å klaga på dette vedtaket etter reglane i forvaltningslova kapittel VI.