Godkjenning av kontrollorgan og kontrollørar

Følgjande dokumentasjon skal vere vedlagt søknaden:

Søkar må kunne dokumentere at nærare angjevne personar har naudsynt utdanning og praksis. I tillegg må ein dokumentere at lokale, verktøy og utstyr oppfyller forskriftene sine krav.

LOV 1965-06-18 nr 04: Vegtrafikklov §19.

FOR 2009-05-13 nr 589: Forskrift om periodisk kontroll av kjøretøy

Teknisk leiar må ha personleg godkjenning, som krev fagbrev og relevant praksis for den kategorien godkjenning vedkomande søkjer om, jf. forskrift om periodisk kontroll av køyretøy § 11. For kontrollørar gjeld krav om personleg godkjenning, jf. forskrift om periodisk kontroll av køyretøy § 12. For å få personleg godkjenning må det dokumenterast gjennom fagbrev at ein har grunnkompetanse tilpassa den typen godkjenning ein ønskjer, leggje fram ordinær politiattest og gjennomføre kontrolløropplæring.

Saksbehandlingstid

For søknader om godkjenning av kontrollorgan og søknader om personleg godkjenning som kontrollør eller teknisk leiar skal søknaden behandlast innan ein månad. Saksbehandlingstida startar frå det tidspunktet Statens vegvesen har motteke all nødvendig dokumentasjon i saka. Dersom det ikkje er mogleg å behandle saka innan ein månad, skal Statens vegvesen gi søkaren ei førebels melding med informasjon om når saka kan forventast å bli ferdig behandla.

 Gebyr

Godkjenning og utviding av godkjenning som kontrollorgan      Kr 19 480,–

Godkjenning og utviding av godkjenning som teknisk leiar         Kr 5 660,–

Godkjenning og utviding av godkjenning som kontrollør              Kr 7 150,–

 Klagerett

Det er klagerett på saker om godkjenning. Søkar kan klaga på Statens vegvesens vedtak etter føresegnene i forvaltningslova.