Søknad om fritak for solidaransvar (RF-1532)

Skjemaet skal brukast for å søkje fritak for solidaransvar. Det kan søkjast om:

• generelt fritak
• fritak under rammeavtale (utvida enkelt fritak)
• fritak for spesifiserte arbeidstakarar (enkelt fritak)
• For utanlandske selskap kan det søkjast om fritak for kontrakt.

Det kan også søkjast om forlenging av tidlegare innvilga fritak

For å sende inn skjemaet treng du ei av desse rollene i Altinn:

• avgrensa signeringsrett
• dagleg leiar

Du kan sjå kva for roller du har for ein aktør på sida Profil - Skjema og tenester du har rett til. Dersom du ikkje har ei av desse rollene, må du få ei av rollene delegert til deg. Dagleg leiar, styreleiar eller innehavar av verksemda kan delegere roller.

Skjemaet skal brukast for å sende inn søknad med informasjon og vedlagd dokumentasjon som Skatteetaten treng for å behandle søknaden.

Når ein arbeidstakar blir leigd ut, har både oppdragstakar (den som leiger ut) og oppdragsgivar (den som leiger inn) ansvar for at arbeidsgivaravgift og forskotstrekk blir betalt. Då gjeld solidaransvar, det vil seie at både oppdragstakar og oppdragsgivar kan gjerast ansvarlege for ubetalte krav. Oppdragsgivar eller oppdragstakar kan søkje om å bli fritatt for ansvaret og pliktene etter skattebetalingslova.

Svar på søknaden blir sendt til verksemda sin meldingsboks i Altinn.

For enkeltpersonføretak blir svar sendt til innehavar sin meldingsboks i Altinn.