Melding om kildeskatt på renter, royalty og leiebetalinger (RF-1528)

Noreg innfører frå 2021 kjeldeskatt på renter, royalty og leigebetalingar som går frå eit norsk selskap eller ein filial til utanlandske nærståande føretak i lågskatteland. Du som er eller representerer trekkpliktig, rapporterer kjeldeskatten ved å fylle ut og sende inn dette skjemaet i Altinn. Endringar gjer du i same skjema. Hugs å leggje inn arkivreferansen på skjemaet du ønskjer å erstatte.

• Frå 1. juli 2021 må norske selskap trekkje kjeldekatt av renter og royaltybetalingar som går til nærståande selskap i lågskatteland.
• Frå 1. oktober 2021 må selskap også trekkje kjeldeskatt av leigebetalingar for visse driftsmiddel til slike selskap.

• Norske aksjeselskap, selskap med deltakarfastsetting og andre norske selskap som blir omfatta av skattelova § 2-2 første ledd eller skattelova § 10-40,
• tilsvarande utanlandske selskap omfatta av skattelova § 10-40 med norske deltakarar, og
• norskregistrerte utanlandske føretak

som betaler

• renter av gjeld, eller
• for bruk eller rett til bruk av immaterielle rettar som patent, varemerke, design, opphavsrett og knowhow (royalty), eller
• leige for visse fysiske driftsmiddel som skip, fartøy, riggar, fly eller helikopter

til eit utanlandsk nærståande selskap i eit lågskatteland.

Det trekkpliktige norske selskapet har ansvaret for å vurdere om det utanlandske nærståande føretaket i eit lågskatteland har skatteplikt eller ikkje.

Frist for rapportering og betaling er 7 dagar etter avtalt betalingsfrist til mottakar.

Etter at du har sendt inn skjema med trekket som er gjort, mottar du melding om kravet i Altinn. Kravet inneheld

• beløpet du skal betale
• kontonummeret du skal betale til
• betalingsfrist